Toshkent viloyatining Yangiyo‘l tumanida yer oldi-sotdisi bilan bog‘liq jinoyat aniqlandi, deb xabar bermoqda Bosh prokuratura matbuot xizmati.
Ma’lum qilinishicha, fuqaro S.X.ning Toshkent viloyati IIBB JQBga qilgan murojaatiga asosan viloyat prokuraturasi hamda IIV JQBB KvaIJQKB bilan hamkorlikda tezkor tadbir o‘tkazildi.
O‘tkazilgan tezkor tadbirda S.X. o‘zining jinoiy sheriklari bilan birgalikda 2019-yilda Yangiyo‘l tuman hokimligi tomonidan fuqaro M.B.ning nomiga teng sherikchilik asosida “Yoshlar mehnat guzari ishlab chiqarish sexlari” majmuasini qurish uchun Yangiyo‘l tumani “Chortoq” mahallasi hududidan ajratilgan 2 gektar yer maydonidan 1 gektarini S.X.ga 400 ming dollar evaziga sotishga kelishib, undan o‘zaro kelishilgan pullarning 30 ming dollarini firibgarlik yo‘li bilan olayotgan vaqtida ashyoviy dalillar bilan ushlangan.
Mazkur holat yuzasidan Yangiyo‘l tuman prokuraturasi tomonidan Jinoyat kodeksining 168-moddasi 4-qismi “a” bandi va boshqa moddalar bilan jinoyat ishi qo‘zg‘atilib, dastlabki tergov harakatlari olib borilmoqda.
Mavzuga doir:
Izoh (0)