Farg‘onada fuqaro sariq metalldan ishlangan taqinchoqlarni tilla deb aldab, 1 mln so‘mga pulladi

Farg‘ona viloyati Marg‘ilon shahrida fuqaro sariq metalldan ishlangan taqinchoqlarni tilla deb sotgani aniqlandi. Bu haqda viloyat ichki ishlar boshqarmasi axborot xizmati xabar berdi.

Qayd etilishicha, 17-avgust kuni SH.O. M.M ismli ayolning ishonchiga kirib, 1 million so‘mlik tilla taqinchoqlarini sariq metalldan ishlangan qalbaki taqinchoqlarga almashtirib, firibgarlik yo‘li bilan qo‘lga kiritgan.

Mazkur holat yuzasidan shahar IIB huzuridagi tergov bo‘limi tomonidan Jinoyat kodeksining 168-moddasi 1-qismi (firibgarlik) bilan jinoyat ishi qo‘zg‘atilgan.

Ma’lumot uchun, yuqorida ko‘rsatilgan jinoyatni sodir etgan shaxs 3 yilgacha ozodlikdan mahrum qilish bilan jazolanishi mumkin.

Mavzuga doir:

• Surxondaryoda folbinlar ayolga bolasi og‘ir kasal ekanini aytib, tillasi va pulini olib ketdi
• Farg‘onada fuqaro tanishining homilador bo‘lishiga yordam berishini aytib, uning 2000 dollarlik taqinchoqlarini qo‘lga kiritdi