Qirolicha Yelizaveta II 1986-yilda Sidneydagi Qirolicha Viktoriya binosining (QVB) qayta tiklanishi nishonlanganida “kelajakka maktub” yozgan. Britaniya monarxi o‘z murojaatini Avstraliya aholisiga yo‘llagan va keyingi 100 yil davomida uni ochishni taqiqlagan. Xat gumbaz ostidagi tarixiy binoning yopiq joyida saqlanadi. Mish-mishlarga ko‘ra, hatto Yelizavetaning eng yaqin qarindoshlari va uning shaxsiy xodimlari ham xatda nima yozilganidan bexabar, deb yozadi Marie Claire.
Ammo qo‘lyozmada Sidneyning bo‘lajak meri uchun ko‘rsatmalar qayd etilgan: “2085-yilda siz tanlagan munosib kunda ushbu konvertni ochib, Sidney fuqarolariga mening xabarimni yetkazishingiz mumkin”, — deyiladi marhum qirolichaning vasiyatnomasida.
Qirolicha Viktoriya binosi 1898-yilda arxitektor Jorj MakRey tomonidan Qirolicha Viktoriya hukmronligining olmos yubileyi sharafiga qurilgan. Uzunligi 190 metr bo‘lgan ushbu monumental bino Sidneydagi butun kvartalni egallaydi va hozirda bir necha yuz do‘konga ega zamonaviy savdo markazi ham ochilgan.
Ko‘plab tahlilchi va ekspertlar qirolicha maktubining mazmuni haqida bahslashmoqda. Biroq ularning bir narsaga ishonchi komil — xabar juda sentimental va ijobiy mazmunda bo‘lishi kerak, chunki Yelizaveta II Avstraliya bilan mustahkam munosabatlarga ega edi. Qirolicha butun umri davomida ushbu mamlakatga muntazam tashrif buyurgan, turli shtatlarga sayohat qilgan va har xil ijtimoiy qatlamlardagi mahalliy aholi bilan uchrashgan. Yelizaveta birinchi marta Sidneyga 1954-yilda, taxtga o‘tirganidan ikki yil o‘tgach tashrif buyurgan va Avstraliya tuprog‘iga qadam qo‘ygan birinchi monarx hisoblanadi.
Ta’kidlash joizki, unvoniga ko‘ra, Yelizaveta II Avstraliyada (va boshqa o‘n to‘rtta mustaqil davlatda) monarx bo‘lgan va shuning uchun ko‘plab davlat marosimlarida qatnashgan.
Yelizaveta II vafotidan keyin Avstraliya qiroli unvoni Charlz III ga berildi, u ham Sidneyga bir necha marta rasmiy tashrif buyurgan, shu jumladan 1983-yilda malika Diana bilan birgalikda sayohat qilgan.
Mavzuga doir:
Izoh (0)