Germaniya Bundesligasining 1-turida “Bavariya” “Ayntraxt” ustidan 6:1 hisobida g‘alaba qozondi. Uchrashuvda Sadio Mane o‘z hisobiga gol yozdirib qo‘ydi.
Mane so‘nggi 10 yilda “Bavariya”dagi dastlabki ikki o‘yinda gol urgan ilk futbolchiga aylandi. 30-iyul kuni vinger Germaniya Superkubogi doirasida “Leypsig” darvozasini ham ishg‘ol qilgandi.
Bunga qadar Mario Manjukich 2012-yilda myunxenliklar tarkibidagi dastlabki ikki o‘yinda gol urgandi. Umumiy olganda Manjukich ketma-ket 4 ta o‘yinda gol urgan. Xorvat Germaniya Superkubogida “Borussiya D” (2:1), Germaniya Kubogida “Yan Regensburg” (4:0), Bundesligada “Groyter” (3:0) va “Shtutgart” (6:1) darvozalarini ishg‘ol qilgan.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)