O‘zbekistonlik futbolchi Eldor Shomurodov “Roma”ni tark etishga yaqin.
Rimliklar “Torino” sobiq hujumchisi Andrea Belotti bilan shartnoma imzolash uchun maoshlar vedomostini kamaytirmoqchi. Bu haqida jurnalist Nikolo Skira o‘z Twitter sahifasida ma’lum qildi.
Xabarga ko‘ra, Shomurodov “Bolonya”ga o‘tadi. Eldorning ketishi yiliga 3 million yevro olishni istaydigan Belotti bilan shartnoma imzolash imkonini beradi.
Avvalroq Shomurodovga “Bolonya”, “Vulverhempton”, “Sassuolo”, “Al-Hilol” va “Torino”dan qiziqish borligi xabar qilingandi.
Shomurodov 2021-yilning yozgi transfer oynasida 18 million yevro evaziga “Jenoa”dan “Roma”ga o‘tgandi. U “bo‘rilar”safida jami 40 ta o‘yin o‘tkazib, beshta gol va oltita golli uzatma amalga oshirdi.
Izoh (0)