Xorazm va Buxoroda o‘sish, Toshkent viloyatida pasayish: O‘zbekistonda uylar savdosi qanday bo‘lmoqda?
O‘zbekistonda ko‘chmas mulk bozorida savdo hajmi 6 foizga o‘sdi. Bu haqda Iqtisodiy tadqiqotlar va islohotlar markazi “Daryo”ga ma’lum qildi.
Tahlil natijalariga ko‘ra, O‘zbekistonda 2022-yilning birinchi yarmida 126 ming dona ko‘chmas mulk oldi-sotdi shartnomalari rasmiylashtirildi, bu 2021-yilning ushbu davriga (119 ming) nisbatan 6 foizga ko‘p.
Hududlar kesimida joriy yilning 6 oyi davomida eng yuqori o‘sish sur’atlari quyidagi viloyatlarda kuzatildi:
- Xorazm — 24 foiz;
- Buxoro — 22 foiz;
- Surxondaryo — 16 foiz;
- Jizzax — 13 foiz;
- Namangan — 13 foiz;
- Qashqadaryo — 12 foiz;
- Farg‘ona — 11 foiz.
Poytaxtda 2022 yilning yarmida ko‘chmas mulkni sotib olish va sotish bo‘yicha tuzilgan shartnomalar soni biroz oshdi (+1 foiz) va 37,446 tani tashkil etdi.
O‘tgan yilning mos davrida ko‘chmas mulk oldi-sotdisining 21 foizi ipoteka kreditlari orqali moliyalashtirilgan.
Joriy yilda ushbu ko‘rsatkich 28 foizdan oshdi. Shu bilan birga birlamchi bozorda 45 mingga yaqin yangi uy-joylar qurib topshirilgan. O‘sish ko‘rsatkichi — 32 foiz.
Mavzuga doir:
- O‘zbekistonda ipotekaga uy sotib olish: shartlar va talablar haqida asosiy ma’lumotlar va shaxsiy tajriba
- 40 million so‘mgacha subsidiya: Qanday qilib kam foizli ipoteka kreditlarini olish mumkin?
- Uy sotib olish, ularni qurish va rekonstruksiya qilish uchun subsidiya to‘lash tartibi o‘zgartirilmoqda
