Sirdaryo viloyati Guliston tumanida fuqaro xonadonidan noqonuniy ov miltig‘i patronlari topildi. Bu haqda viloyat ichki ishlar boshqarmasi axborot xizmati xabar berdi.
Olingan ma’lumotga ko‘ra, Guliston tumani IIB xodimlari tomonidan olib borilgan tezkor tadbir davomida 1968-yilda tug‘ilgan, shu tumanda yashovchi R.G.ning yashash xonadoni ko‘zdan kechirilgan. Uning eski omborxonasidan 5 dona jangovar holatdagi sariq metalldan yasalgan patron aniqlanib, daliliy ashyo sifatida olingan.
Holat yuzasidan surishtiruv ishlari olib borilmoqda.
Izoh (0)