Sirdaryo viloyati Oqoltin tumanida noqonuniy o‘q-dori saqlash holati aniqlandi. Bu haqda viloyat ichki ishlar boshqarmasi axborot xizmati xabar berdi.
Olingan ma’lumotga ko‘ra, Xovos tuman IIB JQB xodimlari tomonidan olib borilgan tezkor tadbir davomida 1975-yilda tug‘ilgan, Oqoltin tumanida yashovchi fuqaro O.U.ning yashash xonadoni ko‘zdan kechirilgan.
Jarayon davomida uning omborxonasida qora sellofanga o‘ralgan jami 8 dona, shundan 6 donasi bo‘sh (otilgan), 2 donasi jangovar holatdagi patron borligi aniqlanib, ashyoviy dalil sifatida olingan.
Hozirda mazkur holat yuzasidan surishtiruv ishlari olib borilmoqda.
Izoh (0)