Shri-Lanka parlamenti bosh vazir Vikramasingxeni mamlakatning yangi prezidenti etib sayladi

Shri-Lanka parlamenti bosh vazir Ranil Vikramasingxeni mamlakat prezidenti etib sayladi. Bu haqda Reuters xabar berdi.

Vikramasingxe may oyidan beri bosh vazir lavozimini egallab kelayotgan edi. U avval ham ushbu lavozimda 1993—1994, 2001—2004, 2015—2018, 2018—2019-yillarda ishlagan.

Shri-Lanka parlamenti mamlakat mustaqillikka erishgan (1948-yil)dan buyon eng og‘ir iqtisodiy va siyosiy inqiroz sharoitida prezidentlikka uch nomzoddan birini tanladi. Qayd etilishicha, Ranila Vikramasingxening saylovda g‘alaba qozonishi yangi namoyishlar va tartibsizliklarga olib kelishi mumkin.

O‘tgan hafta Shri-Lankaning sobiq prezidenti Gotabaya Rajapaksa Singapurga qochib ketib, iste’foga chiqqanidan so‘ng, Ranil Vikramasingxe prezident vazifasini bajaruvchi etib saylangandi.

Shri-Lankada yangi prezident saylovi oldidan vaziyat joriy qilingan.

Mavzuga doir:

• Shri-Lankada yana favqulodda holat joriy qilindi
• Shri-Lanka: qanday qilib o’zgarmas hokimiyat mamlakatni bu ahvolga tushirgani, uning oqibatlari, hozirgi vaziyati va keyingi taqdiri haqida umumiy tahlil