“O‘zgidromet” 19-iyul kuni kuzatiladigan ob-havo ma’lumotini e’lon qildi.
19-iyul kuni kunduz kuni respublika bo‘yicha quruq va issiq ob–havo saqlanib turadi. Ba’zi joylarda shamol chang–to‘zonlar bilan 15–20 m/s gacha kuchayishi mumkin. Ayrim joylarda shamol 22–25 m/s gacha kuchayishi mumkin.
Farg‘ona viloyatining tog‘oldi va tog‘li hududlarida glyatsial (muz) sel–suv toshqin hodisalari yuzaga kelishi mumkin. Harorat 38–43 daraja atrofida, janubda va cho‘l hududlarda ba’zi joylarda 44–45 darajagacha saqlanib turadi.
Toshkentda havo quyoshli bo‘ladi. Kunning ikkinchi yarmida shamol chang–to‘zonlar bilan 12–17 m/s gacha kuchayishi mumkin. Maksimal harorati 39–41 darajaga yetadi.
Tog‘li hududlarda yog‘ingarchilik kutilmaydi. Shamol 7–12 m/s tezlikda esadi, ba’zi joylarda shamol 15–20 m/s gacha kuchayishi, ayrim joylarda chang–to‘zonlari kuzatilishi mumkin. Havo harorati 29–34 daraja bo‘ladi.
Izoh (0)