Surxondaryoda Qozog‘istondagi universitetga kiritib qo‘yishni aytib fuqaro pullarini o‘zlashtirgan shaxs ushlandi

Surxondaryo viloyati Sho‘rchi tumanida fuqarodan pul olib, uni o‘zlashtirib yuborgan shaxs ushlandi.

Sho‘rchi tumanida 2022-yil 06-iyul kuni, tumanning “Yoshg‘ayrat” mahallasida yashovchi, U.O‘. tuman IIBga ariza bilan murojaat qilgan.

Unda 2021-yil 24-avgust kuni tumanning “Do‘stlik” mahallasida yashovchi, Sh.Sh. Qozog‘iston Respublikasi Muxtor Avezov nomidagi universitetga o‘qishga kirgizishni va’da qilib, undan 1000 AQSH dollar olib, uni o‘qishga kiritmasdan aldab, pullarni qaytarmasdan o‘zining ehtiyojlariga ishlatib yuborganini ma’lum qilgan.

6-iyul kuni Sh.Sh.ga nisbatan O‘zbekiston Respublikasi Jinoyat kodeksining 168-moddasi 1-qismi bilan jinoyat ishi qo‘zg‘atilgan.