O‘zbekistonga 2022-yilning birinchi choragida 1,46 mlrd dollarlik pul o‘tkazmalari kelib tushgan. Bu haqda “Daryo”ga Markaziy bank hisobotidan ma’lum bo‘ldi.
Joriy yilda MDH davlatlaridan 1 mlrd dollarlik shaxsiy transfertlar kelib tushgan. Bunda eng ko‘p ko‘rsatkich Rossiya va Qozog‘iston hisobiga to‘g‘ri keladi — mos ravishda 969,4 mln dollar va 93,7 mln dollar.
Ukrainadan pul o‘tkazmalari 600 ming dollarga qisqarib 3,5 mln dollarga tushdi.
Qolgan mamlakatlar orasida eng ko‘p AQSHdan shaxsiy transfertlar kelib tushmoqda — 116,7 mln dollar. Bundan tashqari Koreyadan 66,5 mln, Turkiyadan 48,7 mln dollarlik pul o‘tkazilgan.
O‘zbekistonga va O‘zbekistondan o‘tkazilgan shaxsiy transfertlar farqi — 1 mlrd dollar.
Avvalroq O‘zbekistonda kompaniyalarga kiritilgan to‘g‘ridan to‘g‘ri investitsiyalar keskin kamaygani haqida xabar berilgandi.
Izoh (0)