2022-yilning eng g‘alati va noodatiy smartfonlaridan biri taqdim etildi. Xitoyda Duoqin F22 Pro — tugmali panelga ega Android-smartfonini sotuvga chiqaradi, deb xabar beradi Hi-Tech.Mail.ru.
Yangi model piksellar nisbati 960x640 hamda tasvir yangilanish chastotasi 60 gerts bo‘lgan 3,5 dyuymli sensor ekranga ega bo‘lgan. Displey Android 12 operatsion tizimida to‘laqonli ishlash imkonini beradi.
Smartfonga Helio G85 protsessori, 4 gigabayt tezkor, 64/128 gigabayt ichki xotira o‘rnatilgan. Akkumulyator sig‘imi 2150 mA/soat. Yuqori qismida hoshiyaning qalinligiga qaramay, frontal kamera korpusning ostgi qismidan — tugmalar tagidan o‘rin olgan. Biroq bu foydalanuvchilarga videoqo‘ng‘iroqlar vaqtida noqulaylik tug‘diradi, chunki kaft frontal kamerani berkitib turadi.
Shuningdek, asosiy kamera ham mavjud, ammo uning texnik tavsifi hozircha ma’lum emas. Duoqin kompaniyasi apprat sotuvi qachondan boshlanishini keyinroq ma’lum qiladi. Ta’kidlanishicha, bunday smartfonlar messenjerlar va internetdan foydalanishni istaydigan, biroq tugmali qurilmaga bog‘lanib qolgan keksa yoshli insonlarga mos keladi.
Avvalroq noodatiy Vivo telefoni Ginnesning rekordlar kitobiga kiritilgani, “shaxmat dizayn”ga ega Realme GT Neo 3T smartfoni namoyish etilgani to‘g‘risida xabar berilgandi.
Izoh (0)