Asli kelib chiqishi senegallik bo‘lgan TikTok-bloger Xabi Leym dunyodagi eng mashhur tiktokerga aylandi. Bunga obunachilarning onlayn hisoblagichiga tayanib, “Pravilamag” xabar berdi.
Amerikalik Charli Damelio 2019-yildan buyon o‘z raqslari bilan yetakchilikni qo‘ldan boy bermay kelayotgandi. Biroq layfxaklarni barbod qiluvchi 22 yoshli Leym undan o‘zib ketishga muvaffaq bo‘ldi: uning obunachilari soni 142,6 millionga yetgan, Damelioning obunachilari soni undan 330 mingga kam.
Leym TikTok’ka videolarni 2020-yildan, pandemiya sabab Turindagi fabrikada stanok operatorligi bo‘yicha ishsiz qolgach va moliyaviy qiyinchiliklarga duch kelganidan so‘ng boshlagan. Bloger tezda mashhurlikka erishib, uning muxlislari #KhabyToNumberOne xeshtegi yordamida Xabiga platformada yetakchilikni egallashida yordam bergan.
Eslatib o‘tamiz, 2020-yilda o‘zbekistonlik Rahim Abramov Rossiyaning eng serdaromad tiktokeri deb topilgandi — u bir yilda 10 mln rubl ishlab topgan.
Izoh (0)