Rossiya bu hafta obligatsiyalarni to‘lash bo‘yicha yana bir sinovga duch keladi, uning so‘nggi asrdagi birinchi xorijiy defolt holatiga tushishiga sanoqli kunlar qoldi. Bu haqda Bloomberg xabar berdi.
Payshanba va juma kunlari jami 400 mln dollarga yaqin bo‘lgan uchta foiz transferi amalga oshiriladi. Lekin may oyining oxiridan boshlab o‘tkazib yuborilgan to‘lovlar bo‘yicha yakshanbaga o‘tar kechasi oxirgi muddat.
Bu mablag‘lar — taxminan 100 mln dollarlik obligatsiya kuponlari xalqaro sanksiyalar tufayli muzlatib qo‘yilgan va yechim topish uchun davlatga berilgan imtiyozli davr 26-iyun kuni tugaydi.
Agar Rossiya qandaydir tarzda qarz egalariga to‘lovlarni amalga oshirmasa, mamlakat amalda defolt bo‘lib qoladi.
Bu hukumatning qarzlarini to‘lash uchun irodasi yoki puli yo‘qligi tufayli emas, aksincha belgilangan muddatda uni qaytara olmaganidan sodir bo‘lmoqda.
Mamlakatga energetika sohasidan har hafta milliardlab dollar daromad tushayotgan bo‘lsa ham, o‘sib borayotgan sanksiyalar qarz to‘lash uchun naqd pul o‘tkazish yo‘llarini to‘sib qo‘ygan.
Rossiya defolt holatiga tushishga majbur bo‘layotganini da’vo qilmoqda. Shu tufayli, vaqtinchalik yechimlar topishga harakat qilyapti. Hukumatning obligatsiyalarga xizmat ko‘rsatish mexanizmini belgilovchi farmoniga ko‘ra, uning qarz majburiyatlari rublda to‘lov amalga oshirilgandan so‘ng bajarilgan deb hisoblanadi.
Avvalroq Rossiya moliya vaziri Anton Siluanov hukumat keyinchalik xorijiy valyutaga aylantirilishi mumkin bo‘lgan rubllarni o‘tkazishini aytgan edi.
Uchta kupon to‘lovi payshanba va juma kunlari amalga oshiriladi. To‘lovni amalga oshirmaslik dastlabki ikki kun uchun 30 kunlik imtiyozli davr tugashini va oxirgisi uchun 15 ish kuni hisoblanishini anglatadi.
Avvalroq Rossiyaning defolti global iqtisodiyotga ta’sir ko‘rsatmasligi haqida Oq uy bayonoti berilgan edi.
Izoh (0)