Yigirma yil davomida rejalashtirilayotgan Xitoy—Qirg‘iziston—O‘zbekiston (CKU) temiryo‘li qurilishi jarayoni nihoyat oldinga siljidi — u 2023-yildan boshlanadi. Bu haqda Qirg‘iziston prezidenti Sadir Japarov o‘z intervyusida ma’lum qilgan.
Yangi marshrut qurib bitkazilgach, Xitoydan Yevropa va Yaqin Sharqqa qatnov masofasi yanada qisqaradi.
Joriy yilda texnik-iqtisodiy asoslarni tayyorlab, qurilishni 2023-yilda ish boshlaymiz. Uchala davlat ham jarayonga tayyorlanmoqda. Bu orqali sh o‘rinlari yaratiladi, iqtisodiyotimiz esa yuksaladi, — dedi Japarov.Shavkat Mirziyoyev 2022-yilning mart oyida birinchi Toshkent xalqaro investitsiya forumining ochilish marosimidagi nutqida ham ushbu yo‘l qurilishiga to‘xtalib o‘tgan.
O‘zbekistonda ishlab chiqarilayotgan mahsulotlarni O‘zbekiston—Qirg‘iziston—Xitoy temiryo‘li orqali Osiyo—Tinch okeani mintaqasiga yetkazish uchun imkoniyatlar yaratish bo‘yicha ham amaliy harakatlar olib borilmoqda, — degan davlat rahbari.Ta’kidlanishicha, bu haqda Shavkat Mirziyoyev juma kuni Oliy Yevrosiyo iqtisodiy kengashi sammitida ham aytib o‘tgan.
O‘zbekiston rasmiylari avvalroq temiryo‘l qurib bitkazilgandan so‘ng bu Xitoydan Yevropa va Yaqin Sharqqa yuk tashish uchun eng qisqa yo‘l bo‘lib, yuk tashish yo‘lini 900 kilometrga qisqartirishini va yetti-sakkiz kunlik yuk tashish vaqtini tejashini aytgan edi.
Xitoy—Yevropa yuk temiryo‘lining janubiy qismiga aylanadigan CKU yo‘nalishi Xitoy, Qirg‘iziston va O‘zbekistonni Eron va Turkiya orqali Markaziy va Sharqiy Yevropaga bog‘laydi.
Rejaga ko‘ra, CKU temiryo‘lining umumiy uzunligi qariyb 523 kilometrni tashkil etadi, jumladan, Xitoyda 213 kilometr, Qirg‘izistonda 260 kilometr va O‘zbekistonda 50 kilometrga yaqin.
Temiryo‘l qurilishi kamida 25 yil davomida rejalashtirilgan. 1997-yildayoq Xitoy, Qirg‘iziston va O‘zbekiston uch davlatni bog‘laydigan temiryo‘l qurilishi bo‘yicha o‘zaro anglashuv memorandumini imzolagan edi.
Barcha kelishuvlar, jumladan, barcha manfaatdor davlatlar bilan ham yakunlandi. Sentabr oyida Shanxay hamkorlik tashkiloti sammiti davomida uch davlat rahbarlari temiryo‘l qurilishini boshlash bo‘yicha hujjat imzolashini kutmoqdamiz. Qirg‘iziston hukumati, O‘zbekiston hukumati va Xitoy hukumati jarayonga tayyorgarlik ko‘rmoqda, — dedi Japarov.Avvalroq Buxoro va Xiva o‘rtasida temiryo‘l qatnovi yo‘lga qo‘yilishi haqida xabar berilgan edi.
Izoh (0)