Bank tizimidagi top-10 tijorat bankining yuqori foiz stavkalari bo‘yicha amalga oshirilgan navbatdagi monitoring natijalari taqdim etilgan. Bu haqda Markaziy bank xabar berdi.
Unga ko‘ra, 2022-yil 1-may holatida ushbu banklardagi aholi omonatlarining yuqori foiz stavkalari 21-23 foiz atrofida shakllanib, o‘rtacha 21,7 foizni tashkil qildi.
Aholi omonatlari bo‘yicha yuqori foiz stavkalarini aniqlashda barcha mijozlar uchun cheklovlar va oldindan shartlar mavjud bo‘lmagan bank omonatlarining yuqori stavkalari hisobga olingan.
Alohida toifadagi mijozlar (pensioner, bolalar, talabalar va h.k.) uchun mo‘ljallangan hamda kapitalizatsiya qilinadigan omonatlar hisobga olinmagan.
Asosiy stavka pul-kredit siyosatining asosiy vositalaridan biri hisoblanadi. 2020-yilgacha uning o‘rnida qayta moliyalash stavkasi amal qilgan.
Ushbu stavka boshqa stavkalarga (masalan, kreditlar yoki depozitlar bo‘yicha), shuningdek, aholi va korxonalarning iste’mol va investitsiya qarorlariga ta’sir qiladi. Bularning barchasi ichki talab va inflyatsiyaga ta’sir qiladi.
Shu tariqa, stavka darajasi, odamlar nima bilan shug‘ullanishidan qat’i nazar, barchaga, qayerdadir to‘g‘ridan-to‘g‘ri, qayerdadir bilvosita, ta’sir qiladi.
Izoh (0)