Bollivud yulduzlari Ranbir Kapur va Aliya Bhatt turmush qurdi (foto va video)

Bollivudning go‘zal aktrisalaridan biri Aliya Bhatt hamda mahoratli aktyor Ranbir Kapurning uzoq kutilgan nikoh marosimi 2022-yil 14-aprel kuni bo‘lib o‘tdi. Juftlikning to‘yi 2022-yil 13-aprel kuni oila a’zolar va yaqin do‘stlari, jumladan, Karan Johar, Karina Kapur, Karishma Kapur va Ayan Mukerji ishtirok etgan mehendi va sangit marosimlari bilan boshlandi. Bu haqda Bollywoodtime xabar berdi.

Foto: Hindustan Times

Bugun oilamiz va do‘stlarimiz qurshovida, uyda — sevimli maskanimizda 5 yillik munosabatdan keyin turmush qurdik. Endi ko‘p narsalar ortda qoldi, biz birgalikda yodda qolarli voqealarni yaratish uchun sabrsizlanyapmiz — muhabbat, tabassum, yoqimli sukunat, kino kechalari, ahmoqona tortishuvlar va xitoycha gazaklar bilan to‘la xotiralar. Hayotimizdagi ushbu juda muhim kunda bildirilgan sevgi va e’tibor uchun tashakkur. Bularning barchasi baxtli onimizning ahamiyatini yanada oshirdi.

Muhabbat bilan,

Ranbir va Aliya

https://www.instagram.com/p/CcVcdg5JVBC/

Eslatib o‘tamiz, yulduzli juftlik — Ranbir Kapur va Aliya Bhattning birgalikda suratga tushgan ilk filmi “Brahmastra” 2022-yilning sentabr oyida namoyish etilishi kutilmoqda.