Toshkent shahri Uchtepa tumanida tadbirkorning mulkini o‘zlashtirgan savdo agenti aniqlandi, deb xabar bermoqda Iqtisodiy jinoyatlarga qarshi kurashish departamenti.
Qayd etilishicha, Bosh prokuratura huzuridagi departamentning Uchtepa tuman bo‘limi tomonidan tadbirkorlik subyektlarining huquqlarini himoya qilish yuzasidan tergovga qadar tekshiruv o‘tkazilgan. Unda fuqaro N.U. va boshqalar oldindan til biriktirib, “G.G.” MCHJda savdo agenti vazifasida ishlagan paytida korxonaning turli xil tozalovchi kimyoviy vositalarini savdo do‘konlariga yetkazib berish uchun qabul qilib, ushbu mahsulotlarni sotuvdan tushgan pul mablag‘larini MCHJga qaytarmagani aniqlangan. Ular 267,4 million so‘mni o‘zlashtirish yo‘li bilan talon-toroj qilgan.
Holat yuzasidan Jinoyat kodeksining 167-moddasi (o‘zlashtirish yoki rastrata yo‘li bilan talon-toroj qilish) bilan jinoyat ishi qo‘zg‘atilgan. Hozirda tergov harakatlari o‘tkazilmoqda.
Mavzuga doir:
- Surxondaryoda 220 ming dollarlik kredit mablag‘larini o‘zlashtirgan MCHJ rahbari aniqlandi
- Toshkentda o‘zi ishlaydigan korxonaning 160 mln so‘mdan ortiq mablag‘ini talon-toroj qilgan bosh hisobchi ushlandi
- Toshkent viloyatida akasining nomiga korxona ochib, 754 mln so‘m kredit mablag‘ini o‘zlashtirgan bank bosh hisobchisi ushlandi
Izoh (0)