Western Union Rossiya va Belarusdagi faoliyatini to‘xtatdi

Western Union xalqaro pul o’tkazish tizimi Rossiyada va Belarusdagi xizmatlarini to‘xtatdi. Bu haqda kompaniya matbuot xizmati xabar bermoqda.

Qayd etilishicha, kompaniya bu qarorni qabul qilish oldindan turli manfaatdor tomonlar bilan keng ko‘lamli muloqotlar olib borgan.

Ichki va tashqi mulohazalarni, jamoadoshlarimiz, hamkorlarimiz va mijozlarimiz uchun oqibatlarini har tomonlama ko‘rib chiqib, Rossiya va Belarusda faoliyatimizni to‘xtatishga qaror qildik, —  deyiladi xabarda.

Western Union global moliyaviy tarmog‘i 200 dan ortiq mamlakatlar va 130 dan ortiq valyutalarni birlashtiradi. 

Avvalroq Visa va Mastercard Rossiyadagi faoliyatini to‘xtatgani haqida xabar berilgan edi.