Ukrainadagi voqealar Markaziy Osiyo davlatlariga qanday iqtisodiy oqibatlar olib kelishi mumkin?

Rossiyaga qo‘llanilgan sanksiyalar Markaziy Osiyo davlatlariga ham jiddiy ta’sir qiladi. Bu haqda Eurasianet nashri xabar bermoqda.

Qozog‘istonda birgina shu hafta Rossiyaning Ukrainaga hujum qilishi haqidagi xabarlar boshlanganidan so‘ng bir necha soat o‘tgach, milliy valyuta – tenge dollarga nisbatan 13 foizga tushib ketdi. 24-fevral kuni Milliy bank o‘zining asosiy foiz stavkasini 10,25 foizdan 13,5 foizga oshirdi. Regulyatorning ta’kidlashicha, bu harakat narx barqarorligini saqlab qolish zarurati bilan geosiyosiy vaziyat tufayli amalga oshirligan.

Qirg‘iziston somi ham xuddi shunday dinamikani boshdan kechirdi va 84 dollardan 95 dollargacha tushib ketdi. Qirg‘iziston Moliya vazirligi tezda banklarga dollar sotish va muomalaga chiqarishni taqiqlab, ko‘plab valyuta ayirboshlash shoxobchalarini yopilishga majbur qildi.

Rossiya hujumi sodir bo‘lgan kuni O‘zbekiston valyutasi o‘zini tutib turdi, biroq iqtisodiy ekspertlar kelgusida beqaror davr kelishidan ogohlantirmoqda.

Albatta, Rossiya iqtisodiyoti va Rossiya rubli Kremlning harakatlaridan qattiq zarba oladi. Bu O‘zbekiston iqtisodiyotiga ta’sir qilmay qolmaydi. Rossiya rublining qulashi Rossiyadagi mehnat muhojirlarining dollar hisobidagi daromadlari pasayishini anglatadi. Shuningdek, Rossiyadan O‘zbekistonga yo‘naltirilayotgan kredit va investitsiyalar hajmi ham qisqaradi, — dedi iqtisodchi Yuliy Yusupov.

Bu inqirozning iqtisodiy oqibatlari Tojikistonda ayniqsa keskin seziladi. Mamlakat iqtisodiyotining qariyb uchdan bir qismi mehnat muhojirlari tomonidan yuborilgan pul o‘tkazmalariga tayanadi. Oxirgi haftada tojik somoni rublga nisbatan 15 foizga arzonlashdi.

Avvalroq yevroning qiymati 101 rublga, dollarniki esa 90 rublga yaqinlashgani haqida xabar berilgan edi.