Markaziy bank xorijiy valyutalarning o‘zbek so‘miga nisbatan 25-fevralda amalda bo‘ladigan qiymatini belgiladi.
Unga ko‘ra, rublning rasmiy kursi 7,71 so‘mga pastlab 128,70 so‘mga tushdi. Bu so‘nggi ikki yil ichida eng past ko‘rsatkich bo‘ldi — 2020-yilning mart oyida rubl kursi 120 so‘mni tashkil qilgan edi.
So‘nggi uch kun ichida rublning so‘mga bo‘lgan qiymati 10 foizga pastladi. 21-fevral kuni rubl kursi 143,12 so‘m edi.
Avvalroq yevroning qiymati 101 rublga, dollarniki esa 90 rublga yaqinlashgani haqida xabar berilgan edi.
