Norvegiyaning BMTdagi doimiy vakili Mona Yuul Xavfsizlik kengashining favqulodda yig‘ilishida Rossiya prezidenti Vladimir Putinning Donbassda maxsus harbiy operatsiyani boshlash to‘g‘risidagi qarorini qoralab, uni asossiz deb atadi.
“Biz Yevropada yirik urushning dahshatli istiqboliga duch kelyapmiz”, — deydi u. Yuul Rossiya tomonini qarorini bekor qilishga va qo‘shinlarini qaytarishga chaqirgan.
AQShning BMTdagi doimiy vakili Linda Tomas-Grinfild Rossiya qo‘shinlari Ukrainaning “egallab olingan hududlari”da ekanini ma’lum qilgan. Uning ta’kidlashicha, yig‘ilish ishtirokchilari Rossiyani “to‘xtashga, harbiylar, tanklar, samolyotlarni kazarma va bazalarga, diplomatlarni esa muzokaralar stoliga qaytarishga chaqiradi”.
Yig‘ilish boshida, “Rossiya 24” telekanli Putinning Donbassda operatsiyalar boshlanganini e’lon qilgani yuzasidan vatandoshlariga yo‘llagan murojaatini namoyish etishidan oldin, BMT bosh kotibi Antoniu Guterrish uni “qo‘shinlarni Ukrainaga hujum qilishdan to‘xtatishga va dunyoga yana bir imkoniyat berishga” chaqirgan.
Buyuk Britaniya tashqi ishlar vaziri Liz Trass London o‘zining ittifoqchilari bilan Ukrainaga nisbatan tajovuzga qarshi javob tayyorlashiga va’da berdi.
“Prezident Putin Ukrainaga xalqiga qarshi boshlagan dahshatli va hech qanday asosga ega bo‘lmagan tajovuzni keskin qoralayman. Biz Ukraina tomonidamiz va sheriklarimiz bilan uchbu dahshatli tajovuz aktiga chora ko‘rish bo‘yicha ishlarni boshlaymiz”, — deydi Trass.
Rossiya prezidenti Vladimir Putin 24-fevral kuni Donbassda “maxsus harbiy operatsiya” boshlanganini e’lon qildi. Operatsiyadan maqsad “Kiyev rejimi tomonidan bezorilik va genotsidga uchragan” odamlarni himoya qilishdir”. Putinning so‘zlariga ko‘ra, Rossiyaning rejalarida Ukrainani bosib olish yo‘q. Shu bilan birga, Rossiya prezidenti Ukraina armiyasi harbiy xizmatchilaridan qurollarini tashlab, “uylariga qaytishni” talab qilgan. Bunga amal qilganlar “urush hududini to‘siqsiz tark etib, oilasi bag‘riga qaytishi” mumkin bo‘ladi, deydi u.
Izoh (0)