O‘zbekiston yanvar oyida 65,7 mln dollarlik avtomobillar import qildi. Bu haqda Davlat statistika qo‘mitasi hisobotidan ma’lum bo‘ldi.
Bu ko‘rsatkich o‘tgan yilning shu davriga nisbatan 11,3 barobarga ko‘proqdir. 2021-yilning yanvar oyida O‘zbekiston jam 5,8 mln dollarlik avtomobil import qilgan edi.
2020-yilning yanvar oyida O‘zbekistonga import qilingan avtomobillarning qiymati 25,5 mln dollarni tashkil qilgan. 2019-yil xuddi shu oyida 53,9 mln dollarga teng avtomobillar import qilingan.
O‘tgan oydagi ko‘rsatkichlar mos davr uchun so‘nggi uch yildagi eng yuqorisi bo‘ldi.
Avtomobillar eksporti esa yanvar oyida 8,7 mln dollarni tashkil qildi. Bu o‘tgan yilning shu davriga nisbatan 50,5 foizga kamroq.
Shunday qilib, yanvar oyida avtomobillar importi ularning eksportidan 7,5 barobar ko‘proq bo‘ldi.
Avvalroq prezident import avtomobillar uchun bojxona boji miqdorini pasaytirishga doir qarorni imzolagani haqida xabar berilgan edi.
Izoh (0)