Andijonda o‘qituvchilar ota-onalardan uzr so‘ragani yuzasidan tuman XTBga xizmat tekshiruvi tayinlanadi

Andijon viloyati Marhamat tumanidagi maktablardan birida o‘qituvchilar o‘quv muassasasida ta’lim sifati, o‘quvchilarning oliygohlarga kirish ko‘rsatkichi pastligi, o‘quvchilarning o‘zlashtirishi qoniqarsiz ekani tufayli ota-onalar oldida tik turib, uzr so‘ragani xabar qilingandi. Bosh prokuratura matbuot kotibining “Daryo”ga ma’lum qilishicha, tuman Xalq ta’limi boshqarmasiga xizmat tekshiruvi tayinlanadi.

Keyinroq Andijon viloyati hokimi Shuhrat Abdurahmonov ham ushbu holatga munosabat bildirib, “xatoga yo‘l qo‘ygan har qanday rahbarga qonunda belgilangan jazo choralarini ko‘rilishini ta’minlanishini”ni ta’kidladi. Andijon viloyati xalq ta’limi boshqarmasi boshlig‘i va Marhamat tumani hokimi o‘qituvchilardan uzr so‘radi.