Bugun,

  • USD 11095.31
  • RUB 173.84
  • EUR 10772.44

Kivi — biologiya nuqtayi nazaridan rezavordir. XX asrning boshlarida Xitoydan Yangi Zelandiyaga kivi olib kelindi va nordon rezavor mevalarni kivi deb ataydigan narsaga aylantirish uchun taxminan 30 yil kerak bo‘ldi.

Foto: Harper’s Bazaar

Foto: Harper’s Bazaar

Mevaning nomi Yangi Zelandiya ramzi — kivi qushiga o‘xshashligi bilan bog‘liq. Uning vitamin tarkibi kelib chiqish tarixidan kam emas. Kivining meva qismida aktinidin fermenti mavjud. Bu oqsillarni parchalash va ovqat hazm qilishni osonlashtirish uchun kerak. Aktinidiga qo‘shimcha ravishda, meva kislotalari ovqat hazm qilishga yordam beradi. Bu, ayniqsa, oshqozonda xlorid kislotasi yetarli darajada ishlab chiqarilmaganida juda foydali. Xitoy tibbiyotida kivi asrlar davomida ovqat hazm qilish tizimini normallashtirish va buyrak toshlari xavfini kamaytirish uchun iste’mol qilinadi.

Kivi C vitamini miqdori bo‘yicha rekordchilardan biri — 100 gramm meva 4 kunlik normani tashkil qiladi. C vitamini kuchli tabiiy antioksidantdir. U hujayralarni erkin radikallarning shikastlanishidan himoya qiladi, yallig‘lanishning rivojlanishiga to‘sqinlik qiladi, qarishni sekinlashtiradi va terining holatini sezilarli darajada yaxshilaydi, unga bir tekis rang va yorqinlik beradi. C vitaminining yana bir muhim foydasi shundaki, u organizmning kollagen ishlab chiqarishini rag‘batlantiradi.

Ushbu meva immunitet tizimini mustahkamlashga yordam beradi. Mevani muntazam iste’mol qilish tanani viruslar va kasallik qo‘zg‘atuvchi bakteriyalardan himoya qiladigan immunoglobulin ishlab chiqarishni orttiradi.

Kivi K vitamini, kaliy va qonni suyultiruvchi tabiiy komponentlarga boy. Bu moddalar qon quyuqlashish xavfini kamaytiradi, yurak mushaklarini mustahkamlaydi, qon tomirlari devorlarining elastikligini oshiradi. Va nihoyat, kivi parhezbop mahsulot hisoblanadi. Unda shakar va kaloriya miqdori past, shuning uchun dietologlar uni vazn tashlayotgan har bir kishining ratsioniga kiritishni tavsiya qiladi. Yorma, yogurt va salatlarga kivi qo‘shib, uni gazak yoki shirinlik sifatida iste’mol qilish tavsiya etiladi.

Izoh
Asosiy yangiliklar
Dunyo
Ilon Mask Twitter’da Apple reklamalari tiklanganini e’lon qildi
Dunyo
O‘zbekistondan Afg‘onistonga elektr energiyasi yetkazib berish to‘xtatildi
Mahalliy
Toshkentdagi gaz zapravkalari vaqtinchalik yopilmoqda