Ichi brokkoli va pishloq bilan to‘ldirilgan kartoshkali taom retsepti

Kartoshka pyuresi, brokkoli hamda pishloq aralashmasi taomga o‘zgacha ta’m bag‘ishlaydi.

Kerakli mahsulotlar:

• kartoshka – 4 dona;
• brokkoli – 300 gramm;
• xantal – 1 osh qoshiq;
• tuxum – 1 dona;
• pishloq – 140 gramm;
• tuz.

1. Kartoshkalar butunligicha mikroto‘lqinli pechga 12-15 daqiqaga qo‘yiladi.
2. Brokkoli suvda 2-3 daqiqa qaynatib olinadi.
3. Kartoshka yumshagach ikkiga bo‘linib, ichki qismi biroz o‘yib olinadi.
4. Kartoshka pyuresi, brokkoli, tuxum, xantal va qirg‘ichdan o‘tkazilgan pishloq yaxshilab aralashtiriladi.
5. Kartoshka qayiqchalari ichiga aralashma solinadi va ustidan ortib qolgan pishloq sepiladi.
6. 200 daraja pechda 15 daqiqa davomida pishiriladi.