Surxondaryo viloyati hokimi To‘ra Bobolov videoselektorda bir qator amaldorlarga intizomiy jazo choralarini qo‘lladi. Bu haqda viloyat hokimligi matbuot xizmati xabar qildi.
Ma’lum qilinishicha, muhokama chog‘ida berilgan topshiriqlarning bajarilishiga mas’uliyatsizlik bilan yondashgani uchun bir qancha amaldorlarga hayfsan va jarima jazosi tayinlangan.
Jumladan, viloyat hokimi o‘rinbosari Ilhom Saparov va kotibiyat mudiri Farrux Mirzayevga nisbatan hayfsan intizomiy chorasi qo‘llanilgan. Shuningdek, viloyat hokimi o‘rinbosari Alisher Xidirovga o‘rtacha oylik ish haqining 10 foizi miqdorida, Qiziriq tumani hokimi Ilhom Yusupov va Termiz tumani hokimi Shuhratjon Bekmaxmatovichga o‘rtacha oylik ish haqining 30 foizi miqdorida jarima jazosi belgilangan.
Eslatib o‘tamiz, noyabr oyida To‘ra Bobolov Sho‘rchi va Angor tumani hokimlarini intizomiy jazoga tortgandi. Ularga o‘rtacha oylik ish haqining 10 foizi miqdorida jarima belgilangan.
Izoh (0)