Gruziya bosh vaziri Irakliy Garibashvili mamlakat sobiq prezidenti Mixail Saakashvilining muddatdan oldin ozod etilishi yoki uning Ukrainaga topshirilishi mumkinligi to‘g‘risidagi xabarlarni rad etdi, deb xabar beradi “Kommersant”. Uning so‘zlariga ko‘ra, voqealar rivojining ikkala varianti ham Gruziya hukumatining “o‘z mamlakati qonunlarini hurmat qilmasligini” bildiradi.
“Agarda biz bulardan birini amalga oshirsak, hukumatimiz ariza yozishi va ertasi kuni iste’foga ketishi kerakligini bildiradi”, — deydi Garibashvili.
Shuningdek, uning aytishicha, Saakashvilining tarafdorlari va politsiya o‘rtasida to‘qnashuvlar yuzaga kelmasligi uchun u xususiy klinikaga ko‘chirilmaydi. Bosh vazirning so‘zlariga ko‘ra, xususiy klinikada “xavfsizlikning hech qanaqa sharoiti ta’minlanmagan. “Politsiyani jalb etishimizga, maxsus vositalarni qo‘llash va abadiy tartibsizlikda qolishimizga to‘g‘ri keladi”, — deydi Irakliy Gabirashvili.
Eslatib o‘tamiz, 1-oktabr kuni Mixail Saakashvili sakkiz yildan buyon birinchi marta Gruziyaga keldi. U chegarani noqonuniy kesib o‘tganlik ayblovi bilan qo‘lga olindi. Shundan keyin Gruziyada muxolifat norozilik namoyishlari boshlandi, ular Saakashvili ozod etilishini talab qildi.
Mavzuga doir:
Izoh (0)