Gulkaram va kolbasadan mazali kekslar tayyorlaymiz

Ko‘pincha bekajonlarga noodatiy taomlar yoqadi. Pomidorli sous, pishloq va kolbasa uyg‘unligidagi ta’m esa barchaga manzur kelishi tabiiy.

Kerakli mahsulotlar:

• gulkaram – 1 bosh;
• tuxum – 2 dona;
• un – 3 osh qoshiq;
• sarimsoq kukuni – 1/2 choy qoshiq;
• pishloq – 70-80 gramm;
• pitssa uchun sous – 2-3 osh qoshiq;
• kolbasa, ko‘kat, tuz va ziravorlar.

Tayyorlanish jarayoni:

1. Gulkaram blenderda maydalanadi va tuxum, un, ko‘kat, sarimsoq va ziravorlar bilan aralashtiriladi.
2. Keks qoliplari yog‘lanib, ikki osh qoshiqdan tayyorlangan aralashma quyiladi.
3. 25-30 daqiqa davomida 200 daraja pechda pishiriladi.
4. Keyin sous solib, o‘rtasiga to‘rtburchak shaklida to‘g‘ralgan kolbasalar solinadi va maydalangan pishloq sepiladi. Yana pechga 5-7 daqiqaga qo‘yiladi.

Yoqimli ishtaha! Mavzuga doir:

• Tovuq go‘shtini qovoq va kartoshka bilan dimlab pishiramiz
• Pishloq va sabzavotlardan tayyorlanadigan antiqa buterbrod retsepti
• Ustiga tuxum va pishloq qo‘yib pishiriladigan tovuq filesi retsepti