Yevrokomissiya barcha smartfon va planshetlarni yagona quvvatlantirish razyomiga o‘tkazish niyatida. Ammo Apple buni xohlamayapti. Kompaniyaning hisoblashicha, majburiy ravishda USB-C’ga o‘tish — bu yomon g‘oya, deb xabar beradi IXBT.

Foto: IXBT

Ta’kidlanishicha, yangi qonun Yevropadagi xaridorlar tomonidan foydalaniladigan millionlab faol qurilma va aksessuarlarning ishini buzgan holda to‘g‘ridan to‘g‘ri salbiy ta’sir ko‘rsatadi. Shuningdek, bu Apple’ning butun dunyodagi mijozlariga ta’sir ko‘rsatib, ortiqcha elektron chiqindilarni yuzaga keltiradi.

Kompaniyadagilarning hisoblashicha, USB-C’ga o‘tish isrofgarchilikka olib keladi, chunki mijozlar yangi kabellar, adapter va aksessuarlar xarid qilishga majbur bo‘ladi.

Shu bilan birga, Apple razyomning o‘zgarishi oqibatida yetkaziladigan zarar moddiy zarar haqida hech narsa demagan, chunki kompaniya MFi dasturi doirasida Lightning razyomlarini litsenziyalagani kabi USB-C’ni litsenziyalay olmaydi.

2019-yilda Yevropa Komissiyasi tomonidan o‘tkazilgan tadqiqotga ko‘ra, o‘sha paytda Yevropa Ittifoqi mamlakatlaridagi gadjetlarning yarmida microUSB ulagichi, boshqa 29 foizida USB-C, 21 foizida esa Apple qurilmalarida foydalaniladigan Lightning ulagichi mavjud bo‘lgan.

2009-yilgi tadqiqotlarda esa bozorda 30 dan ortiq turdagi zaryadlash qurilmalari aniqlangan edi. Shu munosabat bilan Apple, Samsung, Huawei va Nokia kompaniyalari ishlab chiqaruvchilarga 2011-yildan keyin chiqarilgan telefonlarda microUSB’dan foydalanishni yuklovchi memorandumni imzolagan. Biroq, hujjat matni Apple’ning Lightning’ni microUSB’ga ulaydigan moslama chiqarish bilan cheklanishiga imkon bergan.