Odatda ko‘pchilik noto‘g‘ri talaffus qiladigan ko‘plab brend va mashhur kompaniyalar nomi qanday o‘qilishi kerakligi haqida ma’lumot berib o‘tamiz.

Nivea

Foto: AdMe

Ayrim odamlar ushbu kosmetik brendni “Niveya” deb ataydi. Ammo kompaniyaning ona yurti Germaniyada “Nivea” deyiladi.

Tissot

Foto: Instagram

Tissot — Shveytsariyaning soat ishlab chiqaruvchi kompaniyasiga 1853-yilda Sharl Felisen Tisso va uning o‘g‘li Sharl-Emil tomonidan asos solingan. Brend nomini unga asos solgan shaxslarning familiyasi singari “Tisso” deb atash kerak.

Virgin

Richard Brenson asos solgan birlashtiruvchi kompaniyaning nomi “Vedjin” deb o‘qiladi.

YvesRocher

Mazkur kosmetika brendining nomi asoschisining ism familiyasi singari “Iv Roshe” deb aytiladi.

Acer

Foto: AdMe

Tayvandning kompyuter texnikalari va elektronikani ishlab chiqaruvchi firmasining nomi “Aser” emas “Eyser” deb o‘qilishi kerak.

Givenchy

Givenchy 1952-yilda dizayner Yuber de Jivanshi tomonidan asos solingan fransuz modalar uyi. Brendni nomi “Jivenchi” yoki “Givenchi” emas, asoschining familiyasi singari “Jivanshi” deb o‘qiladi.

Mitsubishi

Mitsubishi brendi esa “Mitsubisi” yoki “Mitsubishi” emas “Misubishi” deb talaffuz qilinishi kerak.

HP

Ko‘pchilik HP’ning qisqartmasini to‘g‘ri talaffuz qiladi, ammo brendning to‘liq nomini aytishda yanglishadi. Hewlett-Packard “Xyulett-Pakkard” deb aytilsa to‘g‘ri bo‘ladi.

Sega

Foto: AdMe

Aksariyat kishilar mazkur o‘yinlar ishlab chiqaruvchisini “Sega” deb o‘qiydi, aslida esa “Siga” deyilishi to‘g‘ri bo‘ladi.

Cartier

Soat va zargarlik buyumlari ishlab chiqaruvchi Cartier fransuz modalar uyi “Kartye” deb o‘qiladi.

Hugo Boss

Agar mazkur brend asoschisi ingliz bo‘lganida, kompaniya nomi “Hyugo Boss” deb o‘qilsa, to‘g‘ri bo‘lardi. Ammo asoschining millati nemis ekanini hisobga olib “Xugo Boss” deb aytilsa to‘g‘ri bo‘ladi.

Logitech

Logitech — Shveytsariyaning klaviatura, sichqoncha va boshqa kompyuterga oid qurilmalar ishlab chiqaradigan kompaniya hisoblanadi. Brend nomi “Lojitek” deb o‘qiladi.

Carolina Herrera

Jaklin Kennedi mijozi bo‘lgan moda brendi “Karolina Xerrera” emas “Karolina Errera” deb aytilishi kerak.

Bombardier

Kanadaning mazkur mashinasozlik kompaniyasi “Bombardir” emas, “Bombardye” deb o‘qilishi kerak.

Guy Laroche

Foto: AdMe

Fransiya moda uyining nomi unga asos solgan shaxsning ismi singari “Gi Larosh” deb aytilishi kerak.