Samsung 12,4 dyuymli OLED-displeyga ega “aqlli” kolonka prototipini namoyish etdi (video)

Janubiy Koreyada bo‘lib o‘tgan iMID 2021 tadbirida Samsung Displey kompaniyasi o‘lchami 12,4 dyuymga teng yig‘iladigan OLED-displeyga ega “aqlli” kolonka prototipini namoyish etdi, deb xabar beradi IXBT.

E’lon qilingan kadrlardan ko‘rish mumkinki, displey silindrik qurilma korpusini egallagan. U yoyilgan holatda tasvir to‘liq ko‘rinadi. Mazkur ixtiro qachondan seriyali ravishda ishlab chiqarilishi hozircha noma’lum.

Ta’kidlanishicha, ko‘rgazma davomida Samsung S-simon gadjetini ham taqdim etgan bo‘lib, u yig‘ilgan holatda smartfonga, yoyilgan paytida esa 17,3 dyuymli massiv planshetga aylanadi. LG kompaniyasi esa 88 dyuymli OLED-televizori va 55 dyuymli shaffof OLED-ekranga ega “aqlli” karavotini namoyish etgan. Mavzuga doir:

• Televizor orqali tomosha qilinayotgan filmlarga mos hidni taratishga qodir qurilma yaratildi
• Apple “aqlli” interkom-kolonka — HomePod mini’ni taqdim etdi