Toshkentning Olmazor tumanida Spark eshigini buzib ochib, pul o‘g‘irlagan ikki o‘smir qo‘lga olindi. Bu haqda poytaxt IIBB matbuot xizmati xabar berdi.
Xabarga ko‘ra, 25-avgust kuni ikki nafar o‘smir tumanning Xushhavo ko‘chasida qoldirilgan Spark eshigini ochib, ichidan avtomobil egasiga tegishli 120 ming so‘m pulni o‘g‘irlab ketgan. Bu holat uyning ro‘parasida o‘rnatilgan kameraga tushib qolgan.
Mazkur fakt asosida Jinoyat kodeksining 169-moddasi (o‘g‘rilik) bo‘yicha jinoyat ishi qo‘zg‘atilgan. Ko‘rilgan choralar davomida o‘g‘rilikda gumonlanuvchi — 14 yoshli M.G. va 15 yoshli N.Y. qo‘lga olingan.
Ayni paytda tergov davom etmoqda.
Avvalroq Toshkentda avtomobil shinalari va disklarini o‘g‘irlab, o‘rniga g‘isht qo‘yib ketayotgan shaxslar ushlangani haqida xabar berilgan edi.
Izoh (0)