Yangi yetakchi. Eng yaxshi displeyga ega smartfon nomi ma’lum bo‘ldi

Uzoq vaqtdan buyon DxOMark platformasida displeylar testi bo‘yicha birinchi o‘rinni egallab kelayotgan Samsung o‘z o‘rnini Huawei P50 Pro’ga bo‘shatib berdi, deb xabar beradi Hi-Tech.Mail.ru.

Huawei’ning yangi modeli 93 ball to‘plab, Samsung Galaxy S21 Ultra’ni ikki ballga ortda qoldirdi va eng yaxshi displeyli smartfon nomiga ega bo‘ldi. Endilikda DxOMark reytingni quyidagicha ko‘rinish olgan:

• Huawei P50 Pro — 93 ball;
• Samsung Galaxy S21 Ultra — 91 ball;
• Galaxy Note 20 Ultra — 90 ball.

Test natijalariga ko‘ra, displeydagi ma’lumotlar yaxshi o‘qiladi (70 ball) va ekran pirpiramaydi. Shuningdek, smartfon 82 ballni ekranga teginish va harakatlar hisobi natijasida qo‘lga kiritgan. Telefon rostdan ham borlagan asosiy soha — bu artefaktlar (turli xil buzilishlarning mavjudligi/yo‘qligi, masalan, rangli nuqtalar). U ushbu yo‘nalish bo‘yicha 86 ballni qo‘lga kiritgan bo‘lib, bu smartfon testi borasidagi eng yuqori ko‘rsatkich hisoblanadi.

P50 Pro modeli piksellari soni 2700x1125 bo‘lgan 6,6 dyuymli egilgan OLED-displeyga ega bo‘lgan. Ekranning yangilanish chastotasi flagmanlar uchun standart — 120 gerts, sensorli ekranning diskretizatsiya chastotasi esa 300 gertsga yetadi. Ekranning korpusga nisbati 91,3 foiz.

Avvalroq Huawei P50 Pro+ modeli 20 karrali optik va 200 karrali raqamli zumga ega bo‘lishi ma’lum bo‘lgandi.

Mavzuga doir: Huawei kompaniyasi HarmonyOS, uchtalik kamera, 29 ta antenna, 8 ta dinamik va keng sig‘imli akkumulyatorga ega planshetini taqdim etdi