Qirolicha Yelizaveta II tomonidan Vindzorlarga hadya qilingan hashamatli uylar (foto)

Buyuk Britaniya qirolichasi Yelizaveta II ning sovg‘alari har doim o‘z miqyosi va maqomining ahamiyati bilan ajralib turadi. Shu bilan birga, nafaqat qirollik unvonlari, balki rezidensiyalar ham sovg‘a sifatida berib turiladi.

Anmer-Holl (Kembrij gersogi va gersoginyasi)

Rezidensiya Yelizaveta II dan Keyt va Uilyamga to‘y sovg‘asi sifatida hadya qilingan. Bu hashamatli 10 xonali uy Norfolkdagi Sandringem shtatida joylashgan. 2017-yilgacha bu uy juftlikning rasmiy qarorgohi hisoblanar edi, lekin ular Londonda ko‘proq vaqtlarini qirolicha xizmatida bo‘lib, xayriya loyihalarini amalga oshira boshladilar. Bugungi kunda gersog va gersoginya Kensington saroyida yashaydi, lekin ular hali ham Anmer-Hollni juda yaxshi ko‘rishadi. G‘arb ommaviy axborot vositalarining yozishicha, ular karantin paytida vaqtlarini shu yerga o‘tkazishgan.

Getkomb-park (malika Anna va Mark Filipps)

1976-yilda malika Anna Mark Filippsga turmushga chiqqanida onasi Glostershirdagi Getkomb-park qarorgohini sotib olgan. Keyinchalik er-xotinning ajrashishiga qaramay, malika hozirgi kundagi turmush o‘rtog‘i Ser Timoti Lourens, shuningdek, qizi Zara Tindall va uning oilasi bilan shu yerda yashaydi. Malika Anna mohir chavandoz bo‘lib, bu yerda sport festivallarini ham o‘tkazadi.

Begshot-park (shahzoda Edvard va Uesseks gersoginyasi)

Begshot-park 1631-yildan buyon oila tassarrufida bo‘lsa-da, qonuniy jihatdan qirollik mulki hisoblanadi. Biroq qirolicha o‘zining kichik o‘g‘li Uesseks grafi Edvard va Sofiga turar joy binosini, otxonalarini va kichik uyni ijaraga bergan.

Hozirda bu ulug‘vor bino ularning bolalari —  Luiza Vindzor xonim va Jeyms vikont bilan yashaydigan uyi hisoblanadi. Qasr 1879-yilda qurilgan va 120 xonadan iborat.

Sanninghill-park (shahzoda Endryu va Sara Fergyuson)

York gersogi 1986-yilda Sara Fergyusonga uylanganida qirolicha ular uchun Berkshir shtatidagi Sanninghill-parkda 12 xonali uy buyurtma qilgan. Er-xotin ajralishgunlaricha shu yerda o‘n yil yashadi. Sundan keyin uy sotilgan va buzilgan, lekin shahzoda Endryu ham, Sara Fergyuson ham birgalikdagi hayotlarining eng yaxshi xotiralarini shu uy hamda qizlari Beatris va Yevgeniya bilan bog‘lashadi. Juftlik 1996-yilda ajrashgan 2003-yildan beri Endryu va Fergi Vindzordagi qirolichaning sobiq mulki bo‘lgan qirollik lojasida istiqomat qiladi.