LetsGoDigital resursi Samsung kompaniyasining eni bo‘ylab cho‘ziladigan birinchi smartfoni konseptini patent hujjatlari asosida taqdim etdi, deb xabar beradi Hi-Tech.Mail.ru.
Qurilma Oppo X 2021 qurilmasiga o‘xshab ketadi. Smartfon ekranining o‘lchami 50 foizga qadar kattara oladi — deyarli planshet hosil bo‘ladi.
Ta’kidlanishicha, ekranning kattalashishi va yig‘ilishi avtomatik ravishda amalga oshadi, u bitta tugmani bosish orqali faollashadi. Ushbu funksiya alohida tugma sifatida boshqarilishi, shuningdek, qurilmaning yuqori qismidagi o‘chirib-yoqish tugmasiga joylashtirilishi mumkin. Barmoq izi skaneri displey ostidan o‘rin oladi.
Manbaning yozishicha, cho‘zilgan holatdagi ekran ikkilamchi hoshiya hisobiga ushlab turiladi. Qurilmada stilus-qalam yordamida biror nima chizish yoki qaydlarni belgilab borish mumkin.
“Albatta, bularning barchasi dastlabki tasvirlar — bu iqtidorli dizaynerlarning tasavvuri, xolos. Bu kabi qurilma haqiqatan ham paydo bo‘lish yoki bo‘lmasligi noma’lum. Barchasi kompaniyaning kelajakdagi harakatlariga bog‘liq”, — deyiladi xabarda.
Avvalroq Xitoyning TCL kompaniyasi 6,7 dyuymga ekranini 4,5 dyuymga qadar kichraytirish mumkin bo‘lgan “rulon-smartfon” prototipini namoyish etgani, Xiaomi’ning buklanuvchan va juda qimmat flagmani — Mi MIX Fold sotuvga chiqqani to‘g‘risida xabar berilgandi.
Izoh (0)