IIV YHXBB ijtimoiy tarmoqlarda tarqalgan Toshkent shahrida ikki yengil mashinaning o‘rtasidan o‘tib ketishga urinib, yo‘l-transport hodisasini sodir etgan Lacetti videosi bo‘yicha ma’lumot berdi.
Ma’lum qilinishicha, 22-iyul kuni soat 17:30 larda Toshkent shahri Mirzo Ulug‘bek tumani Mirzo Ulug‘bek ko‘chasida 23 yoshli Lacetti haydovchisi avtomobilni turli xavfli manyovrlar bilan boshqarib borib, Feruza ko‘chasi bilan kesishgan chorrahaga yetgan vaqtda YTH sodir etgan.
Lacetti svetoforning qizil chirog‘ida to‘xtab turgan Spark hamda Cobalt avtomobillari bilan to‘qnashib ketgan. To‘qnashuv oqibatida tan jarohati olganlar yo‘q.
Mazkur YTH yuzasidan Toshkent shahar IIBB YHXB mas’ul xodimlari tomonidan surishtiruv harakatlari olib borilmoqda.
Avvalroq Toshkentda Matiz urib yuborishi oqibatida 65 yoshli fuqaro vafot etgani, Toshkentda 5 ta avtomobil ishtirokida YTH sodir bo‘lgani, Toshkentda 20 yoshli ayol boshqaruvidagi Tracker urib ketishi oqibatida 56 yoshli piyoda voqea joyida halok bo‘lgani to‘g‘risida xabar berilgandi.
Izoh (0)