Yaqin kunlarda O‘zbekiston Prezidentining tadbirkorlar bilan ochiq muloqoti o‘tkazilishi rejalashtirilmoqda, deb xabar beradi Savdo-sanoat palatasi.
Ta’kidlanishicha, ushbu tadbirda tadbirkorlar oldidagi dolzarb muammolar va ularning yechimlari, respublikada biznes muhitini yanada yaxshilash bo‘yicha taklif va tashabbuslar muhokama qilinadi.
“2021-yil 20-iyuldan 31-iyulgacha faoliyatingizga bog‘liq masala, biznesingizni kengaytirish va rivojlantirishga turtki beradigan g‘oya va takliflar bilan to‘g‘ridan to‘g‘ri O‘zbekiston Prezidentiga murojaat qilishingiz mumkin”, — deyiladi xabarda.
Murojaatlarni har bir tumandagi tadbirkorlik murojaatlarini ko‘rib chiqish qabulxonalari, yoki shtab call-markazining 11-00, (71) 238-52-52, (78) 150-60-06, (71) 202-09-06 telefon raqamlari orqali yetkazish mumkin.
Avvalroq O‘zbekistonda umumiy ovqatlanish obyektlari — restoran va oshxonada tayyorlangan taomlarni yetkazib berish xizmati (keytering) bilan faqat soat 08:00 dan 23:00 gacha bo‘lgan vaqtlarda shug‘ullanishlariga ruxsat berilgani to‘g‘risida xabar qilingandi.
Mavzuga doir: O‘zbekistonda Tadbirkorlik kodeksi ishlab chiqilmoqda
Izoh (0)