5-iyul kuni O‘zbekistonga Rossiyadan “Sputnik V” vaksinasining navbatdagi 40 ming dozali 1-komponenti olib kelindi, deb xabar beradi Sog‘liqni saqlash vazirligi matbuot xizmati.
Ma’lumot uchun, 1-iyun kuni “Sputnik V” vaksinasining navbatdagi 70 ming dozali 1-komponenti, 10-iyunda 70 ming dozali 2-komponenti aprel oyida esa ushbu vaksinaning 100 ming dozasi keltirilgandi (uning 50 ming dozasi 1-komponent, 50 ming dozasi 2-komponent).
Shunday qilib, mamlakatdagi “Sputnik V” vaksinasi zaxirasi 280 ming dozaga yetdi. Yaqin kunlarda vaksinaning navbatdagi 40 ming dozalik 2-komponenti olib kelinishi kutilmoqda.
Shunday qilib, O‘zbekistonda jami vaksina zaxirasi 7 million 440 ming dozani tashkil qilmoqda.
Eslatib o‘tamiz, O‘zbekiston fuqarolarini ushbu vaksina bilan emlash aprel oyi oxirlaridan boshlangan edi. O‘zbekistonga aholini emlash uchun olib kelinayotgan “Sputnik V”ning yarmini tadbirkor Alisher Usmonov moliyalashtirgan. Ushbu vaksinadan jami 1 million doza sotib olish ko‘zda tutilgan.
Izoh (0)