Bugun,

  • USD 11095.31
  • RUB 173.84
  • EUR 10772.44

YouTube’dagi WhistlinDiesel kanali blogerlar dunyodagi eng ishonchli avtomobillardan biri — Toyota Hilux pikapini sinovdan o‘tkazgani tasvirlangan video bilan bo‘lishdi. Amerikalik blogerlar sinovni o‘tkazishda vertolyotdan foydalangan. Mashina uch ming metr balandlikka ko‘tarilgan va yerga tashlab yuborilgan.

Kadr: YouTube

Kadr: YouTube

Toyota Hilux dunyodagi eng ishonchli avtomobillardan biri hisoblanadi. Bu kabi tasavvur nafaqat mashina egalari o‘rtasida, balki sug‘urta kompaniyalari, avtomobil ehtiyot qismlarini ishlab chiqaruvchilar va texnik xizmat ko‘rsatish stansiyalari orasida ham shakllangan. Amerikalik blogerlar ushbu texnik tavsiflarning barchasini yonga surib, modelning mustahkamligini ekstremal krash-testda sinab ko‘rishga qaror qildi.

Tajribani o‘tkazish uchun avtomobil ishqibozlari Hilux’ni maxsus osma arqon bilan Kaman K-Max vertolyotiga bog‘lagan. Mashinani havoga ko‘targan blogerlar 150 metr balandlikda uni arqondan uzgan. Bir necha soniya parvoz qilgan avtomobil kapoti bilan yerga urilgan. Zarba oqibatida o‘ta ishonchli pikap pachaqlangan bir uyum metallga aylangan.

Biroq Hilux’ning “qiynoqlari” bu bilan tugamagan. Pachaqlangan pikap yana vertolyot yordamida havoga ko‘tarilib, bu safar 3000 metr balandlikdan tashlangan. 29 soniyalik erkin parvozdan so‘ng, avtomobil yerga urilgan. Bu kabi krash-testdan keyin pikap metallolomga topshirib yuboriladi.

Eslatib o‘tamiz, 2020-yilning noyabrida Volvo kompaniyasi ekstremal krash-test o‘tkazib, uning davomida o‘nlab avtomobillarini 30 metr balandlikda yerga tashlagandi.

Izoh
Asosiy yangiliklar
Dunyo
Ilon Mask Twitter’da Apple reklamalari tiklanganini e’lon qildi
Dunyo
Turkiyaning Kizilelma qiruvchi droni ilk parvozni amalga oshirdi (video)
Dunyo
Xitoy Rossiyaga harbiy yordam ko‘rsatdimi?