Qirg‘iziston prezidentining rafiqasi Aygul Japarova birinchi xonim maqomini olganidan buyon ilk xorijiy safarini amalga oshirdi, deb yozadi Tengrinews.
Qayd etilishicha, 9–10-iyun kunlari Qirg‘iziston prezidenti rasmiy tashrif bilan Turkiyada bo‘ldi. Prezident bilan birga uning rafiqasi Aygul Japarova ham safarga borgan.
Tashrifning birinchi kunida Japarova klassik ko‘rinishni tanlagan. Zargarlik buyumlariga kelsak, u qoramtir marvaridi bor zanjir bilan tugmasimon sirg‘alarni afzal ko‘rgan.
Tashrifning ikkinchi kunida Japarovlar oilasi Anqara shahrida bo‘lib o‘tgan Chingiz Aytmatov nomidagi forumga tashrif buyurdi.
Aygul Japarova Turkiyaning birinchi xonimi Emine Erdo‘g‘on bilan birga qirg‘iz yozuvchisi ijodiga bag‘ishlangan ko‘rgazmani tomosha qildi. Ushbu tadbir uchun Qirg‘izistonning birinchi xonimi beldemchi milliy libosini kiygan. Emine Erdo‘g‘on o‘zining Twitter sahifasida uchrashuvdan olingan fotosuratni bo‘lishdi.
Ülkemize resmi ziyarette bulunan Kırgızistan Cumhurbaşkanı Sadyr Japarov’un kıymetli eşi Aigul Japarova’yı misafir etmekten büyük mutluluk duydum. Bu ziyaretin ülkelerimiz arasındaki dostluğu pekiştireceğine inanıyorum. pic.twitter.com/oHeVvHBxju
— Emine Erdoğan (@EmineErdogan) June 9, 2021
“Men mamlakatimizda rasmiy tashrif bilan bo‘lgan Qirg‘iziston prezidenti Sadir Japarovning hurmatli rafiqasi Aygul Japarovani qabul qilganimdan juda xursand bo‘ldim. Ushbu tashrif mamlakatlarimiz o‘rtasidagi do‘stlikni mustahkamlashiga ishonaman”, — deb yozgan u.
Izoh (0)