Xiaomi o‘zining Poco brendi ostida yangi M3 Pro smartfonini taqdim etdi. Apparat 5G aloqa tarmog‘ini qo‘llab-quvvatlaydi va bunga qadar Xiaomi smartfonlarida duch kelinmagan noyob dizaynga ega bo‘lgan, deb xabar beradi “Afisha.uz”.
Yangi modelning displeyi — 90 gertsli yangilanish chastotasi va Full HD+ sifatga ega 6,5 dyuym IPS ekran. Barmoq izi skaneri smartfonni o‘chirib-yoqish tugmasiga joylashtirilgan, 8 megapikselli kamera esa displey qirqimiga joylashtirilgan. Asosiy kamerasi uchta: 48 megapikselli asosiy modul va ikkita qo‘shimcha 2 megapiksel.
Smartfon ichiga MediaTek Dimensity 700 protsessori, 4/6 gigabayt tezkor va 64/128 gigabayt ichki xotira o‘rnatilgan. Akkumulyator sig‘imi 5000 mA/soatni tashkil etadi va 18 vattli tezkor quvvatlanish funksiyasiga ega. Taqdimotda smartfon ikki kungacha avtonom rejimda ishlay olishi e’lon qilingan.
- 4/64 gigabayt — 218 dollar;
- 6/128 gigabayt — 242 dollar.
Ayrim bozorlarda ilk xaridorlar uchun 24 dollar miqdorida chegirmalar mavjud.
Avvalroq Hindistonda Poco M3 smartfonidan bir kunda 150 ming dona sotilgani to‘g‘risida xabar berilgandi. Mavzuga doir:
