AQSh prezidenti Jo Bayden Isroil bosh vaziri Binyamin Netanyaxu bilan telefon suhbati chog‘ida Isroil va Falastin o‘rtasidagi o‘t ochishni to‘xtatishni ta’minlashga chaqirdi. Bu haqda Oq uy tarqatgan xabarda aytiladi.
“Prezident o‘t ochish to‘xtatilishini qo‘llab-quvvatladi hamda AQShning ushbu yo‘nalishdagi Misr va boshqa sheriklar bilan hamkorliklarini muhokama qildi”, — deyiladi bayonotda.
Suhbat chog‘ida Bayden “Isroilning tartibsiz raketa zarbalaridan himoyalanish huquqini qat’iyan qo‘llab-quvvatlashini tasdiqladi”, deya qayd etdi Oq uy.
Kommyunikega ko‘ra, AQSh prezidenti, shuningdek, “Isroilni begunoh tinch aholi himoyasini ta’minlash uchun barcha imkoniyatlarini ishga solishga chaqirgan”.
Ikki davlat yetakchilari yaqin muloqotni saqlab qolishga kelishib oldi, deyiladi Oq uy xabarida.
Falastin—Isroil nizosining 2014-yildan buyon kuzatilgan eng kuchli avj olishi may oyida Isroil hukumatining Quddusda bir qator arab oilalarini ko‘chirib yuborish qaroridan keyin boshlandi. Bu noroziliklarni keltirib chiqardi hamda Quddusda arab namoyishchilar va Isroil politsiyasi o‘rtasidagi to‘qnashuvlarga sabab bo‘ldi.
Vaziyatga HAMAS aralashdi. Isroil uning politsiyani olib ketish haqidagi talablarini bajarmaganidan keyin, guruh raketalar otishni boshladi. Bunga javoban Isroil G‘azo sektorini o‘qqa tutdi.
G‘azo sektori ziddiyat kuchayganidan buyon 200 dan ortiq falastinlik halok bo‘lib, 5 mingdan ziyodi jabrlanganini ma’lum qildi. Isroil tomoni o‘n nafar qurbon va 50 ga yaqin og‘ir yaradorlar borligi haqida xabar bermoqda.
Izoh (0)