Har bir ayolda bo‘lishi kerak bo‘lgan 7 ta sumka modeli (foto)

Garderobdan ayol uchun hamisha zarur vaqtda kerak bo‘ladigan shim, kofta yoki boshqa kiyimlardan tashqari har qanday vaziyatda foydalanish mumkin bo‘lgan sumkalar bo‘lishi kerak.

Ish sumkasi har qanday ayol uchun zaruriy aksessuarlardan biri hisoblanadi. Bu kabi sumkalar haddan tashqari yorqin yoki rang-barang, ortiqcha detallardan tashkil topmasligi kerak. Ko‘proq ish sumkasi e’tiborni tortmaydigan, har qanday libosga mos keluvchi va jiddiy uslubda bo‘lishi maqsadga muvofiq.

Shuningdek, sumkalarga unchalik ham qiziqish bildirmaydiganlarda ham hech bo‘lamaganda bitta ryukzak bo‘lishi kerak. Bu shoshilinch safarlarda juda kerak bo‘ladi. Eng yaxshi tanlov esa neytral rangdagi charm ryukzaklardir.

Kichik sumkalar ixcham va qulay bo‘lmasin, katta hajmdagi sumkalarni foydasiz deb bo‘lmaydi. Yaqin joylarga qisqa sayohat qilganda, albatta, katta hajmli sumkalar kerak bo‘ladi. Uning ichiga eng kerakli buyumlarni joylashtirish mumkin.

Kunduzi bo‘ladigan ziyofat yoki do‘stlarning tug‘ilgan kuni uchun mana shunday kichik va o‘ziga xos dizayndagi sumkalar yordamga keladi. Bundan tashqari, ularning turli xil detallar bilan bezatilganlari ham mavjud.

Albatta, kechki bazm va ziyofatlar uchun esa yorqin rangli, turli xil bezaklarga boy klatchlarni taqish mumkin. Ular bejirim ko‘rinishi, dizayni va turli xil detallari bilan zamonaviy ko‘rinishni yanada boyitadi.

Kichkina va ixcham bo‘lgan klatchlar ham kundalik uchun juda kerakli sumkalar qatoridan joy olgan. Uni turli xil kiyimlar bilan ham uyg‘unlashtirish mumkin. Shuningdek, kichkina klatchlar mavsum tanlamasligi bilan ham afzalroq.

Kichkina va yuzasida turli xil tasvirlari mavjud qo‘l sumkalari ham telefon, kalit hamda kartalarni olib yurish uchun juda qulay. Bu kabi qo‘l sumkasidan odatda uy atrofiga sayrga chiqqanda unumli foydalanish mumkin.