Facebook va Instagram ijtimoiy tarmoqlari yashirin layk bosish funksiyasini sinovdan o‘tkazishni boshladi. Ular dunyoning turli mamlakatlaridagi foydalanuvchilarga ushbu hisoblagichni o‘chirib qo‘yishni taklif etmoqda, deb xabar beradi Esquire.
Instagram’ning aniqlashicha, ayrim odamlar, ayniqsa, yosh foydalanuvchilar layklarni ko‘rsatadigan funksiya o‘chirib qo‘yilsa o‘zini ancha xotirjam his qiladi va kontentiga ishonchi so‘nmaydi. Biroq hamma ham ushbu fikrga qo‘shilmagan: ayrimlar trendlardan bexabar qolmaslik uchun odamlarning reaksiyasi va o‘zlarlar postini kuzatishni xohlaydi.
Dastlabki tadqiqot natijalariga ko‘ra, Instagram foydalanuvchilarga layklarni ko‘rish yoki ko‘rmaslikni o‘zlari tanlashi uchun imkoniyat taqdim etishga qaror qildi. Ijtimoiy tarmoq mazkur funksiyani 14-aprel kuni sinovdan o‘tkazishni boshlagan, tez orada Facebook ham uning yoniga qo‘shiladi.
Eslatib o‘tamiz, Facebook’ga qarashli Instagram ijtimoiy tarmog‘i layklarni yashirishni 2019-yildan sinovdan o‘tkazishni boshlagan edi. Keyinroq Facebook bu boradagi pilot loyihasini Avstraliyada ishga tushirgandi.
Izoh (0)