Caviar zargarlik brendi ikkita lyuks smartfonini taqdim etdi — iPhone 12 Pro va Samsung Galaxy S21 Ultra. Smartfonlarning o‘ziga xosligi — qurilmalarning har birini orqa tarafiga bir kilogrammdan oltin yopishtirilgan, deb xabar beradi GSMarena.
Smartfon korpusini ishlashda umumiy og‘irligi bir kilogrammga teng 999,9 probali oltindan foydalanilgan. E’tiborli jihati, Caviar Goldphone kolleksiyasi standart iPhone 12 Pro va Samsung Galaxy S21 Ultra modellaridan asosiy kameralar blokining yo‘qligi bilan ajralib turadi. Bu kabi modeldagi Goldphone’larning har biridan yetti nusxadan sotuvga chiqariladi.
Smartfonlarning har biri kodli qulfga ega hashamatli oq keysda yetkazib beriladi. Kompaniyadagilarning hisoblashicha, Goldphone — bu uzoq yillar davomida qiymatini saqlab qoladigan investitsiyaviy loyiha hisoblanadi.
Caviar kolleksiyasidagi modellarning rasmiy narxi:
- Apple iPhone 12 Pro Goldphone (128 Gb) — 159 ming dollar;
- Samsung Galaxy S21 Ultra Goldphone (128 Gb) — 169 ming dollar.
Izoh (0)