Bugun,

  • USD 11095.31
  • RUB 173.84
  • EUR 10772.44

Toshkent viloyati IIBB Uyushgan jinoyatchilikka qarshi kurashish bo‘limi xodimlari tomonidan aslida hech qayerda ro‘yxatda bo‘lmagan uylarni 100 ming dollarga sotishga uringan jinoiy guruh a’zolari qo‘lga olindi. Bu haqda IIBB axborot xizmati xabar berdi.

Foto: Toshkent viloyati IIBB axborot xizmati

Foto: Toshkent viloyati IIBB axborot xizmati

Ta’kidlanishicha, 17-fevral kuni Toshkent viloyati IIBBga Toshkent shahrida yashovchi fuqaro R.T. ariza bilan murojaat qilgan. U murojaatida Dilnura, Nodira va Aziz ismli shaxslar Nurafshon shahrida joylashgan (aslida hech qayerda ro‘yxatda bo‘lmagan) 3 ta hovlini kadastr hujjatlarini qalbakilashtirib, 100 ming dollarga sotmoqchi bo‘layotganini ma’lum qilib, ushbu shaxslarga nisbatan qonuniy chora ko‘rishni so‘ragan.

Mazkur arizaga asosan, 19-fevral kuni Toshkent viloyati IIBB Uyushgan jinoyatchilikka qarshi kurashish bo‘limi xodimlari va sohaviy xizmat xodimlari hamkorligida tezkor tadbir o‘tkazilgan.

Tadbir davomida Nurafshon shahrida yashovchi 1980-yilda tug‘ilgan Dilnura A. (hozirda firibgarlik va pora berish jinoyatlari bilan tergov ostida bo‘lgan), tanishlari 1997-yilda tug‘ilgan Aziz G‘. (2019-yilda firibgarlik jinoyati bilan sudlangan) va 1997-yilda tug‘ilgan Nodira I. ariza muallifidan talab qilingan pullarning 30 ming dollarini olayotgan vaqtida daliliy ashyolar bilan qo‘lga olindi.

Ushlangan shaxslardan 30 ming dollar miqdoridagi naqd pul, Nodira I. va Gulnora A. nomiga rasmiylashtirilgan Nurafshon shahar “Navro‘z” MFYda joylashgan 18-A va 18-B raqamli hamda Dilnura A. nomiga rasmiylashtirilgan “Istiqlol” MFYda joylashgan 10-raqamli uylarning qalbakilashtirilgan (hokim qaror va boshqalar) kadastr hujjatlari xolislar ishtirokida daliliy ashyo sifatida rasmiylashtirilib olingan.

Hozirda qo‘shimcha surushtiruv ishlari olib borilmoqda.

Avvalroq Sirdaryoda tadbirkorlarga zo‘ravonlik qilib, ulardan ulush undirib kelgan jinoiy to‘da a’zolari qo‘lga olingani to‘g‘risida xabar berilgandi.

Izoh
Asosiy yangiliklar
Dunyo
AQSHda yana otishma! Virjiniyadagi bitiruv marosimida ikki kishi halok bo‘ldi
Qo‘ziqorin
Amerikalik ayol ikki oy ichida ketma-ket ikki marta lotereyada 1 mln dollar yutib oldi
Dunyo
Gaagada Ukrainaning Rossiyaga qarshi da’vosi yuzasidan tarixiy sud bo‘lib o‘tmoqda