Hind kinosanoati vakillari orasida bir nechta tilni yaxshi biladigan (poliglot) mashhurlar ham yo‘q emas.

Shohrux Xon

Foto: Bollyworm

Dunyoning turli burchaklarida minglab muxlislariga ega bo‘lgan Bollivud qiroli ona tilidan tashqari yana uchta: ingliz, urdu va kannada (dravid tili) tilida gaplasha oladi. Bundan tashqari u nemis tilini yaxshi tushunadi.

Amitabx Bachchan

Foto: Bollyworm

Uttar-Pradesh shtatida dunyoga kelgan Bachchanning otasi hind shoiri bo‘lgan. Aktyor hind, ingliz, urdu va panjob tillarida gaplasha oladi. Bundan tashqari bengal tilini ham oz-moz biladi.

Taapsi Pannu

Foto: Bollyworm

Taapsiga filmlarda turli tillarda gaplasha oladigan bir-biriga o‘xshamagan qahramonlarni gavdalantirish juda ham yoqadi. U hind, panjob, tamil, telugu va ingliz tilida bemalol gaplasha oladi.

Kangana Ranaut

Foto: Bollyworm

Aktrisaning yoshligida ingliz tilida yaxshi gaplasha olmagani uning karyerasiga salbiy ta’sir qilgan. Ammo Kangana o‘zini qo‘lga olib yaxshilab til o‘rganishga kirishgan. Bugungi kunda ingliz tilida bemalol so‘zlasha oladigan aktrisa, bundan tashqari fransuz va hind tilini ham yaxshi biladi.

Asin

Foto: Bollyworm

Karyerasini Hindistonning janubiy hududlarida boshlagan aktrisa faoliyatini keyinroq Bollivudda davom ettirgan. Asin yettita: tamil, telugu, malay tili, ingliz, italyan va fransuz tilida so‘zlasha oladi.

Dipika Padukone

Foto: Bollyworm

Dipika Daniyada badminton bo‘yicha chempion Prakash Padukonening oilasida dunyoga kelgan. Nafaqat Bollivud, balki Gollivud filmlarida ham suratga tushib ulgurgan aktrisa hind, ingliz va tulu tillarini yaxshi biladi. “Piku” filmida suratga tushish uchun bengal tilini o‘rganishiga ham to‘g‘ri kelgan.

Vaani Kapur

Foto: Bollyworm

Vaani Kapur tamil, telugu, ingliz va hind tilidan tashqari fransuz tilida ham gapira oladi.

Ayshvariya Ray 

Foto: Bollyworm

Dunyo go‘zali Ayshvariya ona tili — tuludan tashqari yana sakkizta: hind, bengal, ingliz, tamil, maratxi, telugu, kannada va urdu tillarini yaxshi biladi. Shuningdek, ispan tilidan ham biroz xabardor.

Vidya Balan

Foto: Bollyworm

Aktrisalik mahorati va turli rollarni qoyilmaqom ijro qilishi bilan yaxshi ma’lum bo‘lgan Vidya oltita: tamil, hind, bengal, maratxi, malay va ingliz tilini biladi.