Farg‘onada 8 gektar yer olishda yordam berish evaziga 8 ming dollar olgan “Yermulkkadastr” davlat korxonasi Bag‘dod tuman filiali sobiq mutaxassisi ushlandi. Bu haqda “Daryo”ga Bosh prokuratura matbuot xizmati xabar berdi.
Ma’lum qilinishicha, “Yermulkkadastr” davlat korxonasi Bag‘dod tuman filiali sobiq mutaxassisi V.N. fuqaro M.B.ning ishonchiga kirib, unga tuman kadastr bo‘limida ishlashini aytib, 8 000 dollar evaziga yuqori lavozimda ishlovchi tanishlari orqali sabzavotchilik mahsulotlari yetishtirish uchun tuman hududidan 8 gektar yer maydoni ajratish haqida qaror chiqartirib berishni va’da qilgan.
So‘ralgan pulni firibgarlik yo‘li bilan olgan vaqtida departamentning Farg‘ona viloyat boshqarmasi tomonidan o‘tkazilgan tezkor tadbirda ashyoviy dalil bilan ushlangan.
Holat yuzasidan V.N.ga nisbatan Jinoyat kodeksining 168-moddasi (firibgarlik) 3-qismi bilan jinoyat ishi qo‘zg‘atilib, tergov harakatlari o‘tkazilmoqda.
Mavzuga doir:
- Andijonda sanoat zonasidan yer olib berishni va’da qilib, pora olgan sobiq kadastr xodimi qo‘lga olindi
- Urgutda fuqaroga 2 ming dollar evaziga yerga egalik huquqini olib berishni va’da qilgan kadastr xizmati xodimi ushlandi
- Sardobada 4 gektar yerni poliz ekinlarini ekishga ajratib bergani uchun 20 mln so‘m pora olgan uyushma raisi ushlandi
Izoh (0)